Fíggjarleiðarin í Posta farin úr starvi

Fíggjarleiðarin í Posta, Jógvan Joensen, er farin úr starvi.

Tað váttar Edvard Remberg, stjóri á Posta, fyri Kringvarpinum. 

Virksemið er minkað seinastu árini, og tillagingar eru nú gjørdar í leiðsluni, sigur stjórin.

Fráfaringaravtala er gjørd millum partarnar, og nú fyrrverandi fíggjarstjórin er farin úr starvi frá 1. oktober at rokna, verður Ernst Jacobsen, sum higartil hevur virkað sum rakstrarleiðari, nú fíggjar- og rakstrarleiðari.