Føroyameistaraheitið aftur til Klaksvíkar

Leygardagin staðfestu kvinnurnar hjá KÍ tað, sum var so gott sum vist síðsta vikuskiftið. Føroyameistaraheitið er aftur í Klaksvík.

KÍ tók ímóti nærmasta avbjóðaranum NSÍ, og gestirnir skuldu vinna við heili sjey málum, um vertirnir ikki skuldu vinna FM-gullið.

Tað megnaði NSÍ ikki, hóast tær gulu vóru frammanfyri eina løtu. Malena Olsen hevði lagt KÍ framum tíðlliga, áðrenn toppskjúttin í deildini, Heidi Sevdal, og Sigrid Jacobsen skoraðu tvey mál fyri NSÍ fyri steðgin.

Miðskeiðis í seinna hálvleiki javnaði Maria Vinjardsdóttir Johansen fyri klaksvíkingarnar, sum løtu seinni kundu fegnast saman um at hava tikið FM-heitið aftur eftir spennandi kapprenning við runavíkingar alt kappingarárið.

Niðara endaspælið vann B36 frammanfyri Skála á 2. plássi.