- Tíðindi, mentan og ítróttur
Einki forðar læknum at søkja stjórastarvið í Heilsustýrinum
Einki forðar læknum at søkja stjórastarvið í Heilsustýrinum
Landsstýriskvinnan í heilsumálum er ósamd við Læknafelagið, um at tað skal vera krav, at stjórin í Heilustýrinum er lækni
Súsanna Bertholdsen er landsstýriskvinna í heilsumálum.
21.10.2025 - 09:24
Tað er einki, sum forðar læknum at søkja starvið sum stjóri í Heilsustýrinum.
Tað sigur landsstýriskvinnan í heilsumálum um áheitanina frá Læknafelagnum, sum heldur, at skal vera ein lækni, sum verður stjóri í Heilsustýrinum.
Tá Heilsumálaráðið søkti eftir stjóra til táverandi Fólkaheilsustýrið í 2022, var tað heldur einki krav um, at stjórin skuldi vera lækni.
Tann avgerðin var tikin út frá einum tilmæli frá einum tvørfakligum arbeiðsbólki, sum ikki helt tað vera neyðugt, at tað var krav, at stjórin skuldi hava læknaútbúgving. Orsøkin var, at hildið var, at tað fór at minka um talið av umsøkjarum óneyðuga nógv.
Hoyr innslag í útvarpstíðindunum:
Susanna_Bertholdsen
Er kopiera
Nýggjastu sendingar í ÚV
Nýggjastu sendingar í SV
