Virðislønirnar latnar í dag

Í dag vera virðislønirnar hjá Norðurlandaráðnum handaðar í Stokkhólmi.

Sjónvarpið hjá Kringvarpinum sendir frá tiltakinum. Byrjað verður at senda klokkan tíggju minuttir í fimm.

Tað er longu kunngjørt, hvørjir vinnararnir eru.

Tveir føroyingar eru teirra millum.

Tveir føroyingar

Sakaris Stórá fær virðislønina fyri filmin "Seinasta paradís á jørð" og Vónbjørt Vang fyri ynkingasavnið "Svørt orkidé."

Hini, sum fáa virðisløn, eru svenska Sara Lundberg, sum fær virðislønina fyri barna- og ungdómsbókmentir. Hon fær hana fyri myndabókina "Ingen utom jag."

Íslendska tónaskaldið og pianisturin Víkingur Ólafsson fær tónlistarvirðislønina.

Grønne Nabofællesskaber í Danmark fær umhvørvisvirðirlønina fyri verkætlanina "civilsamfundets grønne bidrag."

Virðislønin er 300.000 danskar krónur.