Klingra er eitt spælipláss hjá limunum

Bólkurin Klingra hevur fingið navn sítt frá virðisløntu útgávuni hjá Afenginn.

Dánjal á Neystabø er mangan í leiðandi leiklutinum, men í sambandi við Klingra er tað ein felags tilgongd. 

- Eg skal duga at tiga viðhvørt og lata hinar koma við sínum, sigur Dánjal brosandi.

Limirnir eru úr Føroyum, Danmark, Finnlandi, Lettlandi og Noregi. Øll eru eru yrkistónlistafólk og tónleikarar við nógvum royndum frá bólkum sum Jack White, Savage Rose, Afenginn og Teitur.

Hesir tónleikaúrmælingar skapa eitt egið rúm, har tey við nærlagni rannsaka hvønn krók, hagani tað seyðrar ein ljóðmynd, sum er ein samanrenning av atmosferiskum poppi og elektroniskum tónleiki.



Klingra spælir konsert í Oy í kvøld, fríggjakvøld, klokkan 21. Saman við teimum er Lyon.

Málið er framvegis – eisini við tí meira lívliga og popputa tilfarinum – at bjóða lurtaranum inn í ein listarligan heim, sum skapar rúm fyri tankum og kenslum, har ting taka ta tíð, tey taka.



Um tú, sum lurtar, hevur hug at spæla í Studio 5, so er at senda okkum eini boð á: st5@kvf.fo