Fakfeløg og arbeiðsgevarar samd um grundarlagið undir lønarkarmi

12 fakfeløg, Fíggjarmálaráðið og Kommunala arbeiðsgevarafelagið eru samd um, hvussu felags lønarkarmur skal gerast.

Ein serfrøðingabólkur hevur gjørt grundarlagið, og í næstum vera ítøkiligar samráðingar um lønarkarmin. 

Tað ber ikki til at fáa upplýst, hvussu stórur lønarkarmurin verður í hesum umfarinum, men karmurin er í prosentum. 

Tá felags avtala er gjørd um lønarkarmin, fara feløgini at samráðast hvør sær.

Tey 12 fakfeløgini, sum eru við í tilgongdini um felags lønarkarm, eru hesi: 

Starvsfelagið
Akademikarafelagið
Búskapar- og løgfrøðingafelagið
Yrkisfelagið
Kost- og føðslufelagið
Farmakonomfelagið
Yngri læknar
Ljóðsmøðrafelag Føroya
Fysioterapeutfelag Føroya
Pharmadanmark
Heilsurøktarafelagið 
Føroya tekniska lærarafelag

Hoyr innslag í útvarpstíðindunum: