Oyggj fær byggisamtykt

Svínoy fær nú sína fyrstu byggisamtykt.

Býarskipanarnevnd landsins hevur góðkent byggisamtyktina fyri oynna.

Hon hevur verið leingi á veg.

Uppskotið um hana lá alment frammi tríggjar ferðir, seinast frá 22. apríl til 13. mai í fjør.

12 mótmæli og viðmerkingar komu. Tey eru viðgjørd í Klaksvíkar býráði.

Býráðið samtykti uppskotið um byggisamtykt 14. oktober í fjør.

Umsitingin hjá kommununi og býráðið hildu, at onkrar viðmerkingar og broytingaruppskot kunnu viðgerast sum sjálvstøðug mál um broytingar í byggisamtyktini eftir, at byggisamtyktin er sett í gildi.