Fleiri pengar til løgreglu og ákæruvald

Breiða, politiska semjan í Danmark um at styrkja bæði løgregluna og ákæruvaldið næstu fimm árini, kemur eisini væl við í Føroyum.

Við semjuni, sum varð løgd fram í gjár, verður játtanin til løgregluna og ákæruvaldið økt ár um ár, til hon er útvið 1,5 milliardir krónur hægri í 2030 enn í ár. 

Fleiri pengar skulu játtast til stríðið móti økonomiskum kriminaliteti. Og so skulu drúgvu viðgerðartíðirnar í rættarskipanini styttast. Tað verður gjørt við fleiri pengum til ákæruvaldið og dómstólarnar.

Eisini løgregluøkini í Føroyum og Grønlandi verða raðfest. 

Longu næsta ár økist játtanin til løgreglu og ákæruvald í Føroyum og Grønlandi við 54 milliónum krónum, og tá komið er til 2030 eru 133 milliónir lagdar omaná verandi játtan. Samlaða játtanin til donsku løgregluna og ákæruvaldið - sum eisini fevnir um Føroyar og Grønland - er í ár 14,3 milliardir krónur. 

Hoyr samrøðu við Michael Boolsen, fúta: