Løgtingið tekur eitt tørn

Løgtingið er nú av álvara farið undir at avgreiða tey mál, sum skulu avgreiðast í ár.

Á tingfundinum í dag eru 12 mál á dagsskránni, tríggjar triðju viðgerðir, fimm aðru viðgerðir og fýra fyrstu viðgerðir.

Tingfundir eru eisini í morgin, hósdagin og fríggjadagin.

Og hvønn dag í næstu viku til hósdagin, tá ætlanin er, at løgtingið fer í jólafrí.

Nøkur mál eru ikki komin aftur úr nevnd.

Fíggjarnevndin hevur tíggju mál og rættarnevndin og mentanarnevndin hvørt sítt.

Átta mál hava ikki havt fyrstu viðgerð enn.