Flogferðslan kann nú yvirtakast

Fólkatingið hevur samtykt, at Føroyar kunnu yvirtaka málsøkið flogferðsla, tí tað vilja Føroyar.

Yvirtøkan verður framd í stigum.

Sum nú er, er bara gjørligt at yvirtaka alt málið í einum.

Uppskotið hevur danska samferðslumálaráðið gjørt.

Danska lógin broytast fyrst

Danska lógin um flogferðslu skal broytast fyrst, áðrenn málsøkið kann fara á føroyskar hendur.

Lógarbroytingin ger, at yvirtøkan kann fremjast stígvíst.

Sirið Stenberg, landsstýriskvinna, og Thomas Danielsen, samferðslumálaráðharri, gjørdu semju síðst í mai um, at Føroyar skulu taka við málsøkinum loftferðsla. 

Hvussu skjótt, yvirtøkan verður framd, avger landsstýrið eftir samráðingar við samferðslumálaráðharran.

Sirið Stenberg segði 1. juni, at hon væntar, at yvirtøkan er komin undir land um trý ella fýra ár.