Farin úr nevndini í Vágs sóknar bygdasavni

Dennis Holm er farin ur nevndini í Vágs sóknar bygdasavni, har hann var kassameistari.

Hann sigur í tíðindaskrivi, at tað var býtt av sær ikki at fara av fundi í fíggjarnevndini, tá hon viðgjørdi umsóknina um stuðul til maritima mentanardepilin í Vági.

Hann sigur, at hann hevur biðið fíggjarnevndina um umbering fyri tað.

Haraftrat hevur Vágs sóknar bygdasavn skrivað til løgtingið um at taka umbønina um milliónina til Maritima Mentanardepilin aftur.

- Og eg havi síðani eisini trekt meg úr Vágs sóknar bygdasavni, sigur hann í tíðindaskrivi, sum hevur yvirskriftina Kringvarpið lýgur um mín persón.