Samráðast við Russland í dag

Fiskiveiðusamráðingarnar við Russland eru byrjaðar í dag.

Samráðingarnar eru á talgildum palli, skrivar landsstýrismaðurin í tilfeingis- og vinnumálum, Eirikur í Jákupsstovu í sms-boðum.

Hann hevur onga aðra viðmerking í løtuni, skrivar hann.

Samráðingar millum Føroyar og Noreg um sínámillum fiskiveiðirættindi fyri 2026 vóru fríggjadagin, 19. desembur, og tær vóru eisini á talgildum palli, skrivar Fiskimálaráðið á heimasíðuni.