Gevur lættari atgongd til børsin

Nýggja felagið Smyril Line Holding gevur Smyril Line betri møguleikar at fara í keypsskála.

Seks størstu eigararnir í Smyril Line hava stovnað Smyril Line Holding, sum eigur 89 prosent í Smyril Line.

Eigararnir eru partafeløgini 12.11.11 og 12.08.14, landsstýrið, Framtak, Shetland Development Trust og Blue Water International A/S

Smyril Line Holding hevur eittans endamál, og tað er at eiga partabrøv í Smyril Line.

Nýggja skipanin styrkir strategiska grundarlagið hjá Smyril Line og tryggjar støðugan ræðisrætt í Føroyum, siga stovnararnir.

Skipanin gevur betri møguleikar at fíggja menning og íløgur í framtíðini, eitt nú at vera skrásett í keypsskála, um ein slík avgerð verður tikin.

Nevndin og stjórnin í Smyril Line Holding eru tær somu um í partafelagnum Smyril Line.