- Tíðindi, mentan og ítróttur
Ítróttasambandið skal hava nýggjan aðalskrivara
Ítróttasambandið skal hava nýggjan aðalskrivara
- Vilt tú vera við til at seta kósina fyri føroyskan ítrótt og skapa rammurnar um framtíðina, spyr ÍSF, sum søkir eftir nýggjum aðalskrivara fyri Petur Mittún
ÍSF søkir nú eftir nýggjum aðalskrivara, sum skal taka stafettkelvið eftir Petur Mittún
Mynd: Dánial Olsen
30.12.2025 - 11:21
Ítróttasamband Føroya skal hava nýggjan aðalskrivara.
- Hevur tú dirvi og visjónir og vilt taka ábyrgd í eini tíð, har føroyskur ítróttur stendur fyri stórum og spennandi avbjóðingum, spyr ÍSF millum annað í starvslýsingini.
Nýggi aðalskrivarin skal loysa av fyri Petur Mittún, sum nú fer í annað starv. Hann hevur staðið fyri dagligu leiðsluni í umsitingini hjá ÍSF síðan 2017.
Millum høvuðsuppgávurnar hjá komandi aðalskrivaranum vera Oyggjaleikirnir í Føroyum í 2027, arbeiðið við nýggjum ítróttahúsi og arbeiðið við nýggjari strategi fyri ÍSF, skrivar Ítróttasambandið.
Seinasta freist at søkja starvið er 21. januar.
Er kopiera
Nýggjastu sendingar í ÚV
Nýggjastu sendingar í SV
