Kongsríkið og USA á breddanum í dag

Klokkan fimm seinnapartin í dag verður fundur í uttanríkispolitisku nevndini hjá fólkatinginum, Udenrigspolitisk Nævn.

Á skránni er eittans evni: viðurskiftini hjá kongsríkinum við USA.

Fyri donsku stjórnina taka uttanríkisráðharrin og verjumálaráðharrin lut, skrivar Uttanríkismálaráðið í tíðindaskrvi.

Nevndin, sum er mannað við fólkatingslimum, rágevur stjórnini í uttanríkis- og trygdarpolitiskum spurningum.

Stjórnin hevur skyldu til at ráðføra seg við nevndina, áðrenn hon tekur avgerðir, sum hava stóran uttanríkispolitiskan týdning.

Millum limirnar í uttanlandsnevndini hjá fólkatinginum er Anna Falkenberg.