Frítekst tagging:
- Tíðindi, mentan og ítróttur
Sleppa kortini í skúla í nærumhvørvinum
Sleppa kortini í skúla í nærumhvørvinum
Djóni Nolsøe Joensen, landsstýrismaður, hevur gingið umbønini hjá Tórshavnar kommunu a møti
Fyrireikingar eru byrjaðar at víðka um skúlan á Fløtum til næsta skúlaár, og at víðka um skúlan á Argjahamri til skúlaárið 2027/2028.
Mynd: Bjarni Árting Rubeksen
13.01.2026 - 10:53
- Børn í vesturbýnum í Havn og á Argjum sleppa í skúla í nærumhvørvinum.
Tað sigur landsstýrismaðurin í barna- og útbúgvingarmálum, Djóni Nolsøe Joensen, sum hevur gingið umbønini hjá Tórshavnar kommunu á møti.
Tórshavnar býráð hevur játtað 10 mió. kr. til nýggj høli til skúlarnar á Argjahamri og á Fløtum.
Djóni Nolsøe Joensen. (Mynd: Bjarni Árting Rubeksen)
Og nú hevur Barna- og útbúgvingarmálaráðið játtað kommununi ein eykaflokk til skúlaárið 2026/2027 og tveir skúlaflokkar næsta skúlaár, 2027/2028.
Landsstýrismaðurin viðgongur, at trýstið í høvuðsstaðnum er stórt, og at broytingin í fólkaskúlalógini í fjør, um at næmingatalið í hvørjum flokki ikki eigur at vera størri enn 22, hevur gjørt støðuna truplari hjá høvuðsstaðarkommununi.
Hoyr innslag í útvarpstíðindunum:
13012026_Djoni_og_1__flokkur
Sí eisini: Skal vera óneyðugt at fara í forskúla fyri at sleppa í 1. flokk
Er kopiera
Nýggjastu sendingar í ÚV
Nýggjastu sendingar í SV
