Lagið er gott umborð á Norrønu

Hýrurin er góður umborð, sigur Henny á Líknargøtu, sølu- og marknaðarstjóri á Smyril-Line. Og nógv er gjørt burturúr. Í gjárkvøldið tryggjaði DJ Haraldsen góða hýrin á dansigólvinum. Harumframt vóru tónleikaframførslur á skránni við Guðrun Sólju Jacobsen, Janus Rasmussen, Roks, Róki Jákupssyni, eins og DJ Ottar eisini trein pallin. Harumframt var pub kvis á skránni, og hana skipaði James Olsen fyri.

Í dag verður tónleikur og barnaundirhald á skránni, eins og skipað verður fyri tiltøkum í kvøld og meðan ligið verður við bryggju í Oslo.

Tey 1.000 ferðafólkini fevna breitt, tá talan er um aldursbýtið. Ein stórur partur er í 40- og 50-árunum, eins og nógv ung eru millum tey ferðandi. Harumframt eru børn og fólk, ið eru eldri. Miðalaldurin er 39 ár.

Tú kanst hoyra samrøðuna við Henny á Líknargøtu her!