Jógvan Durhuus deyður

Jógvan Durhuus, fyrrverandi løgtings- og landsstýrismaður, er deyður, 87 ára gamal.

Jógvan Durhuus var fyrstu ferð valdur á ting í Norðstreymoyar valdømi fyri Tjóðveldisflokkin í 1970, og sat til 1980.

Hann kom aftur á ting í 1984.

Jógvan Durhuus var landsstýrismaður frá 1985 til 1989. Hann umsat m.a. búnaðar-, skúla-, orku- og heilsumál, og hevði tá farloyvi úr tinginum.

Hann var eisini varaløgmaður í hesum valskeiðnum.

Jógvan Durhuus var aftur løgtingsmaður frá 1994 til 2002.

Hann var limur í Útnorðurráðnum frá 1996 til 2001, og hann var formaður í ráðnum frá 1999 til 2000.