Sjey filmar kappast um Geytan

Nú er greitt, hvørjir stuttfilmar sleppa at kappast um ársins Geyta.

Sjey filmar eru við í kappingini í ár:

Thomas Koba við filminum “Áin”

Rakul Ró Steintórsdóttir og Niels Jóhan Sigurðsson við filminum “Hendir her”

Maria Tórgarð við filminum “Mammuskepilsið”

Anna Joensen-Næs við filminum "Sansa".

Eir í Ólavsstovu við filminum, “Tað er ikki synd í mær”

RAMMATIK (við Rannvá Káradóttir og Mariannu Mørkøre) við filminum, “TREGI” 

og

Maria Winther Olsen við filminum, “Vælkomin heim”

18 filmar 

Tilsamans komu 18 filmar inn.

Luttakararnir skulu kappast um Geyta-virðislønina upp á 40.000 kr, sum Runavíkar kommuna letur, og Áskoðaravirðislønina, sum eisini er 40.000 kr, og sum Tórshavnar kommuna letur.

Geytin verður mikukvøldið 28. februar í Norðurlandahúsinum.