Pedagogfelagið: Hetta kemur dátt við

Avtalan um lønarkarm, sum tey 12 fakfeløgini á almenna arbeiðsmarknaðinum skrivaðu undir í gjár, kemur dátt við hjá hinum feløgunum á almenna arbeiðsmarknaðinum, sum ikki eru við í avtaluni. 

Sambært stykki 7 í avtaluni um lønarkarm, eru Pedagogfelagið og hini fakfeløgini á almenna arbeiðsmarknaðinum, sum ikki eru við í avtaluni um lønarkarm, kortini fevnd av avtaluni. 

Tí sambært stykki 7 í avtaluni kann "stilling av løn bert fremjast, um starvsbólkurin, uttan rímiliga orsøk, er afturúrsigldur samanborið við aðrar líkandi bólkar"

ella 

"um viðurskifti á arbeiðsmarknaðinum gera, at neyðugt er at gera broytingar í verandi lønarbygnaði."

Víðari stendur í avtaluni, at:

"Partarnir í semjuni eru samdir um, at tað er fortreyt fyri hesi avtalu, at hægri karmur bert kann avtalastr við onnur fakfeløg á almenna arbeiðsmarknaðinum, um oman fyri nevndu treytir eru loknar, og grundgeving við nøktandi útrokningum fyriliggur," stendur í avtaluni.

Sanna á Løgmansbø, forkvinna í Pedagogfelagnum, undrast á orðingina:

Sambært avtaluni er karmurin fyrsta árið 3,87 prosent, - roknað út eftir einum frymli út frá produktiviteti og prísvøkstri. 

Hvat hann verður frameftir, veldst um tølini í frymlinum.