Hoydalar: Allar framførslurnar lagdar á Youtube

Kringvarpið hevur fingið fleiri fyrispurningar frá fólki, sum vilja síggja og hoyra framførslurnar frá fyrsti parti av Hoydølum á ávíkavíst Youtube og Spotify.

Til hetta er at siga, at Kringvarpið arbeiðir í hesum døgum at fáa rættindi og annað upp á pláss, so sangirnir kunnu stroymast á Spotify.

Okkurt bendir á, at tað fer at bera til - kanska seinni í mánaðinum.

Á Youtube-rásini hjá KVF

Kortini er eydnast at leggja alla framførslurnar - bæði ljóð og mynd - út á okkara YouTube-rás.

Her er leinkjan: Youtube-rásin hjá Kringvarpinum

Har ber til at enduruppliva allar seks framførslurnar - hvør sær.

Og man ikki har koma nakrar afturat, so hvørt hóskvøldini fara framvið?

ANNA LOVISA: "Gestur" eftir Martin Joensen

BJARKI: "Spor í sandi" eftir Martin Joensen

EMMA: "Morgun" eftir Martin Joensen

FILIP: "60'ini" eftir Martin Joensen

JÓHANNA: "Ró" eftir Martin Joensen

SOPHILIA: "Motormani" eftir Martin Joensen

Fyrsti partur á KVF Sjón

Tað ber sjálvandi eisini til at síggja fyrsta av fimm pørtum av Hoydølum á KVF Sjón. 

Hoydalar er nýggju og spennandi tónleikarøð, har seks ungir spírar tulka sangir hjá fimm kendum stjørnum. 

Fyrsta stjørnan í fyrsta parti var Martin Joensen. 

Hvørjar hinar stjørnurnar vera er enn loyniligt, men tað verður avdúkað, so hvør hóskvøldið nærkast. 

Spírarnir eru: 

Bjarki Virgarsson Trondesen, 13 ár, Vestmanna, men býr í Havn
Emma Højgaard, 17 ár, Havn, men býr í Danmark
Jóhanna Sámalsdóttir, 18 ár, Toftir
Sophilia Wraae Mukisa, 18 ár, Havn
Filip á Smið, 19 ár, Kaldbak
Anna Lovisa Mýri, 20 ár, Klaksvík

Hoydalar logo

Hvat: Hoydalar
Hvar: Í sjónvarpinum og á KVF Sjón
Nær: Hóskvøld kl. 19.30, og tá tað passar tær á KVF Sjón

*Alt tilfar um Hoydalar verður savnaða á temasíðu á kvf.fo