- Tíðindi, mentan og ítróttur
Javnaðarflokkurin á Vágskálini
Javnaðarflokkurin á Vágskálini
Bókin "Eingin dansur á rósum" eftir Peter Old verður ummæld í Vágskálini í dag, mikudagin, kl. 16.05
11.02.2026 - 08:30
"Eingin dansur á rósum" eftir Peter Old snýr seg um fyrstu tíðina hjá Føroya Javnaðarflokki frá 1925 til 1936.
Sámal Matras Kristiansen, samfelagsfrøðingur, og Ivan Niclasen, søgufrøðingur, ummæla bókina.
Fyrstu javnaðarfeløgini vórðu stovnað í Havn og á Tvøroyri í 1925, og flokkurin gjørdist landsumfevnandi í 1927.
Fyrstu tingmenninir
Í 1928 fekk Javnaðarflokkurin fyrstu tingmenninar, Maurentius Viðstein og Petur Mohr Dam, valdar á ting.
Í 1933 slitnaði millum teir báðar, og Maurentius hvarv úr politikki. Hetta var ein trupul skilnaður fyri hann.
Avgerandi gjøgnumbrotið fekk Javnaðarflokkurin í 1936, tá hann fekk seks tingmenn valdar á ting.
Uni Arge leggur til rættis.
Hvat: Vágskálin
Hvar: Í útvarpinum og á KVF Ljóð
Nær: Mikudag kl. 16.05, og tá tað passar tær á KVF Ljóð
Er kopiera
Nýggjastu sendingar í ÚV
Nýggjastu sendingar í SV
