Varðhaldsfongslaðir í fýra vikur

Tveir mans vóru í grundlógaravhoyring í Føroya rætti seinnapartin í gjár varðhaldsfongslaðir í fýra vikur.

Menninir, sum eru 36 og 53 ára gamlir, eru skuldsettir fyri at hava framt grovan harðskap, at hava sett eld á við vilja, og fyri rán.

Hendingin fór fram í einum sethúsum í Havn, stutt fyri klokkan seks mikukvøldið.  

Maðurin í húsunum var álopin heima hjá sær sjálvum, og var fyri ógvusligum harðskapi.

Eisini var eldur settur í, har maðurin var staddur.

Maðurin boðaði sjálvur løgregluni frá. Hann var illa fyri, og var tí sendur á Landssjúkrahúsið.

Annar av skuldsettu monnunum var handtikin í mikukvøldið og hin í gjáramorgunin.

Grundlógaravhoyringi var fyri afturlatnum hurðum. 

Báðir skuldsettu menninir nokta seg sekar.