Selja lonir í Hoydølum

Landsverk selur nú fýra lonir sunnan fyri gamla studentaskúlan í Hoydølum.

Lonirnar vóru settar upp til skúlabrúks í 2014.

Tær vóru keyptar brúktar av Giljanesi.

Tey, sum ætla sær at keypa, skulu keypa allar fýra lonirnar.

Lonirnar eru sum tvær skúlastovur við duri, vesi og vaskirúmi í miðjuni. 

Lítið og einki virksemi

Seinastu árini hevur lítið og einki virksemi verið í lonunum. 

Allir lutir, sum eru eftir í lonunum sýnsdagin, sum er í morgin 3. mars, eru partar av søluni. 

Freistin at bjóða er 11. mars kl.14.00.

Lonirnar skulu vera tiknar niður og fluttar av økinum í seinasta lagi 1. mai.