FMA2026: Fólkið fagnaði Tøgn

Onkuntíð skal ein bara lata fólkið tala - ikki altíð, men onkuntíð. 

Tað gjørdu fólkið á G! festivalinum í summar, tá Beinir framførdi sangin "Kamarið" á Sandinum saman við Bárði Petersen og Jónasi Gaard.

Allur Sandurin sang við, tá sera vakri poppsangurin bleiv framførdur av nýggja føroyska superbólkinum Tøgn. 

Fólkið hevði tikið "Kamarið" til sín, og fólkið hevur eisini tikið Tøgn til sín. Síðani fólkið hevur tikið Tøgn til sín, so hevur Tøgn eisini tikið Filip Zachariassen til sín, tí hann er nýggjur maður í bólkinum. 

G! 2025, Beinir

Beinir á Sandinum á G! 2025, tá hann eisini framførdi "Kamarið" hjá Tøgn saman við Bárði Petersen og Jónasi Gaard (Mynd: Bjarni Árting Rubesen)

Ársins áhoyraravirðisløn. 

At Tøgn fólkið hevur tikið Tøgn til sín bleiv eisini staðfest við sjeytummaseymi til FMA í gjárkvøldið.

Umframt at "Kamarið" vann heiðurin sum Ársins útvarpshitt í atkvøðugreiðslu á heimasíðu Kringvarpsins fyrr í vikuni, so vann Tøgn Ársins áhoyraravirðisløn. Tað vóru áhoyrarar, ið bestemmaðu vinnarar umvegis Sona-appina hjá Føroya Tele. Beinir vann einsamallur heiðurin til FMA í fjør. 

Tað er í grundini ikki so undarligt, at Tøgn er vorðin so væl umtóktur, tí talan er um ein superbólk. Í tónleika talu, so merkir tað, at bólkurin er mannaður við fólki, sum eisini eru kend úr øðrum samanhangum. Bæði Beinir og Jónas spæla eisini undir egnum navni. 

"Kamarið" hjá Tøgn vann tó ikki FMA-heiðurin sum ársins sangur, tí tann heiður hevði dómsnevndi valt at lata "Cake (Baddies Edition)" hjá jazzygold.