Virðini og fólkaræðið eru hótt

Altjóða kvinnudagur er í dag. Afturvendandi tiltakið, har kvinnudagurin verður hildin í Fuglafirði, byrjaði í Ribarhúsi, men áhugin var beinanvegin so stórur, at tiltakið varð flutt í Mentanarhúsið, har tað verður hildið í dag.

Kvinnudagurin verður hildin undir heitinum "Heimur, hvussu livir tú?".

- Vit halda, at heimurin er so nógv broyttur. Hvør dagur bjóðar upp á ræðuleikar og er ørkymlandi, og virðini eru hótt, og demokratiið eisini. Og tí seta vit sjálvar tann spurningin, er javnstøða yvirhøvur viðkomandi. Soleiðis sigur Rønn Eliasen, mentanarleiðari í Fuglafjarðar kommunu.

Ársins brita
- Ein brita er ein kvinna, sum er røsk, djørv og stríðist til frama fyri onnur. Í føroyskum máli hava vit ofta gjørt vart við, at kvinnurnar ikki hava nógv góð lýsingarorð, sigur Rønn Eliasen. Og ein brita er fatað neiligt upprunaliga, og tí vildu vit gera vart við, at tað gongur ikki. Vit vilja gjarna síggja tær sterku, djørvu kvinnurnar. Og vit vilja gjarna gera tað til eitt jaligt orð, eitt positivt orð, sum lýsir eina kvinnu, sum veruliga er til reiðar at arbeiða fyri øðrum. 

Í dag er fimtu ferð, at ársins brita verður kosin.

Hoyr innslag í útvarpstíðindunum: