Kommunufólk á valfund

Okkurt um 200 kommunufólk fara seinnapartin í dag at hoyra, hvørjar ætlanir, politikarar hava um kommunurnar.

Øll forfólkini hjá flokkunum vera við í politiskum pallborðskjaki eftir aðalfundin hjá Kommunufelagnum í dag.

Kjakast verður um kommunala bygnaðin - 29 kommunur eru í Føroyum - kommunalt samstarv um eldraøkið og um lutin hjá kommununum í framtíðini.

Kommunustýrislimir og ovastu kommunalu leiðslurnar úr øllum landinum vera við á fundinum. 

Aðalfundurin byrjar kl. 13.00.

Á skránni er millum annað formansfrágreiðingin hjá Tórbjørn Jacobsen.