Í dag slappa tey av

Hýrurin var góður, og eingin strongd var at hóma hjá Annitu á Fríðriksmørk og Kaj Leo Holm Johannesen, tá morgunsendingin hitti tey heima hjá Kaj Leo, hetta hóast minni enn eitt samdøgur var, til valhølini lótu upp.

Orsøkin var heilt einfalt hon, at hvørgin teirra stillar upp til hetta løgtingsvalið, og tað gevur eitt frælsi, halda tey bæði tvey.

- Eg eri faktiskt púra avbalanseraður, tá eg hyggi at hesum valplakatunum, og tað er fantastiskt, at mær ikki nýtist at hava eina meining, sigur Kaj Leo, og Annita er púra samd.

- Stresshormonini hava tað nógv betri í ár, enn tey hava havt tað í undanfarnum valum, tá eg sjálv havi verið uppstillað, sigur hon.

Hoyr tey minnast aftur á valstríð og valdagar, og ikki minst hava tey góð ráð til teirra, sum um stutta tíð skulu traðka inn um tinggáttina fyri fyrstu ferð.