SÍ vann eisini meistaraheitið hjá monnum

SÍ breyt mikukvøldið millum valini sjey ára sigursrøðina hjá Mjølni við at vinna 3-2 í aðru FM-finaluni, sum varð spæld í Klaksvík.

Sørvingar vunnu eisini fyrstu finaluna á klaksvíkingum, og tryggjaðu sær sostatt føroyameistaraheitið.

Mjølnir vann annars fyrsta settið greitt 25-18, men SÍ vendi dystinum við tveimum settum á rað; 25-18 og heili 25-14. Heimaliðið treiskaðist kortini og fekk javnað til 2-2 við 25-19 sigri í fjórða settu, og so skuldi javnbrótari til.

Eins og í fyrru finaluni á Giljanesi, høvdu sørvingar hepni, tá á stóð, og vunnu heili 15-7.

Hetta var fyrsta føroyameistaraheitið hjá SÍ síðan 2017 og tað sjeynda í røðini síðan hitt fyrsta hjá sørvágsmonnum í 2005. Eftir sjey ár á trónuni, má staðfestast, at Mjølnir ikki átti nóg mikið í ár.

Kappingarárið er kortini ikki liðugt. Steypakappingin skal spælast, og ivaleyst er síðsta orðið ikki sagt millum mansliðini hjá SÍ og Mjølni enn.

Badmintonhøllin í Klaksvík (Polestar-deildin, 2. FM-finalan)

Mjølnir – SÍ, 2-3 (25-18, 18-25, 14-25, 25-19, 7-15)