Valini fíntald í dag og mánadagin

Týsdagin var fólkatingsval, og hósdagin var løgtingsval. Tað gekk rímuliga væl at telja upp, og valstøðini vóru liðug at telja nakrar tímar eftir, at atkvøðugreiðslan endaði.

Men atkvøðuseðlarnir skulu eisini fínteljast. Malan Johansen er forkvinna bæði í fólkatingsvalnevndini og í løgtingsvalnevndini.

Gildar og ógildar atvøður
Tað kann hugsast, at fínteljingin kann ávirka, hvør ið sleppur at taka sæti á tingi. Á listanum hjá Sambandsflokkinum eru bara tríggjar atkvøður á muni millum Johan Dahl, sum er valdur, og Magna Højgaard, sum er fyrsti varafólk.

Tað sama er á listanum hjá Tjóðveldi. Har eru eisini tríggjar atkvøður á muni millum Jóhan Christiansen, sum er valdur, og Eirik í Jákupsstovu, sum er fyrsti varafólk.

Malan Johansen sigur tó, at fínteljingin ikki plagar at flyta nógvar atkvøður.

Hoyr innslag úr útvarpstíðindunum.