Hava ikki fingið bilbugt við laksasjúkuni

Bakkafrost hevur ikki enn fingið billbugt við sjúkuni pasteurella skyensis, sum í fjør summar kostaði fyritøkuni nógvar pengar í Skotlandi, og sum seinasta heyst var staðfest í alibrúkinum á Lambavík.

Marner Nolsøe, djóralækni hjá Bakkafrosti, sigur, at tá sjúkan var staðfest á Lambavík síðst í oktober, vóru nógvir tilburðir av sjúkum fiski. Nú er støðan batnað, og fellið er lítið, men bakterian er framvegis í økinum.

Sí innslag í Degi og viku og samrøðu við Regin Jacobsen, stjóra á Bakkafrosti, sum var gestur í sjónvarpsstovuni:
 

Tað kostaði Bakkafrosti millum fýra og fimm milliardir krónur, tá samtakið fyri góðum seks árum síðan keypti Scottish Salmon Company., Fyritøkan var ein av teimum stóru alifyritøkunum í Skotlandi. Peningin fekk samtakið frá íleggjarum við at tekna nýggjan partapening. T

Hóast nevnd og leiðsla í Bakkafrosti vistu, at tað fór at taka nøkur ár at venda gongdini í Scottish Salmon Company, so hevur tað kortini tikið drúgvari tíð enn ætlað:

Hoyr innslag í útvarpstíðindunum: