Magyar fer at hitta Zelensky

Komandi forsætisráðharrin í Ungarn, Péter Magyar, sigur, at hann tekur stig til at hitta ukrainska forsetan, Volodymyr Zelensky, í juni, so farast kann undir eina nýggja byrjan.

Fráboðanin gevur ábending um ein annan tóna enn tann hjá fráfarandi forsætisráðharranum, Viktor Orban, móti Zelensky og Ukraina.

Magyar sigur seg vilja byrja nýggjan kapittul í viðurskiftunum millum londini bæði.

Magyar fer at umrøða rættindini hjá etniskum ungarum í Ukraina. Hetta hevur verið stríðsmál millum londini leingi.

Fundurin verður tíðliga í juni í ukrainska býnum Berehove, nærindis ungarska markinum, og sum Magyar sigur hevur súmbolskt virði, tí ungarar eru í meiriluta í býnum.

Fráboðanin á sosialu miðlunum kom eftir ein fund við borgarstjóran í Berehove.