Mark Rutte: Evropa hevur lurtað

Hóast Trump sigur seg vera vónbrotnan um vantandi stuðul í sambandi við Iran-kríggið, sigur Nato-aðalskrivarin, at fleiri Nato-lond veita ymiskan stuðul

Mark Rutte, Nato-aðalskrivari.

Mynd: Jonathan Ernst/Reuters/Ritzau Scanpix

Sigrún H. Brend

04.05.2026 - 14:11

Aðalskrivarin í Nato, Mark Rutte, sigur, at Evropa hevur lurtað, nú amerikanski forsetin, Donald Trump, var vónbrotin um vantandi stuðulin í sambandi við kríggið móti Iran.

- Vit hava fingið boðini, segði Rutte.

Trump hevur ákært NATO-londini fyri ikki at gera nóg mikið fyri at stuðla amerikanska krígnum móti Iran.

Dýra biðidag boðaði Trump eisini frá, at hann ætlar at taka 5.000 hermenn úr Týsklandi.

Hava lurtað

- Jú, amerikanararnir hava verið vónbrotnir, men Evropa hevur lurtað, segði Rutte við fjølmiðlar í dag í sambandi við vitjan sína í Armenia.

Hann vísir á, at níggju NATO-lond, teirra millum Bretland, Frakland og Týskland, gera støðir og annan logistiskan stuðul tøkan - hóast Spania hevur sýtt fyri, at spanskt landaøki skal brúkast til Iran-kríggið.

- Fleiri lond rigga eisini til minusóparar og aðra útgerð nærindis Persaflógvanum, fyri at vera tilbúgvin til næsta stig, segði Rutte.