Útbúgvingin sum klædnaatstøðingur hongur enn í leysum lofti

Útbúgvingin sum klædnaatstøðingur á Glasi í Havn, kann ikki brúkast til nakað, sum støðan er í dag. 

Orsøkin er, at avtalurnar, sum Glasir hevði við danskar skúlar um eina lærlingaútbúgving,  eru ikki til longur, tí skúlarnir eru broyttir, hava lagt saman og so framvegis.

Hetta hevur skúlin eftir øllum at døma ikki varnast, og tí hevur Barna- og útbúgvingarmálaráðið yvirtikið arbeiðið at fáa útbúgvingina góðkenda.

"Tað er framvegis ógreitt, um útbúgvingin klædnaatstøði verður ein góðkend lærlingaútbúgving, ella um hon skal skipast á annan hátt," sigur Bárður á Lakjuni, landsstýrismaður í mentamálum, sum nú hevur málið um hendi.