Fótbóltskvinnurnar: Liðskiparin ikki við ímóti Georgia

Liðskiparin á føroyska fótbóltslandsliðnum, Ásla Johannesen, verður ikki við, tá Føroyar spæla sín síðsta HM-undankappingardyst ímóti Georgia í næstum.

Tað vera Julia Naomi Mortensen, Rúna Jacobsen, Sara Samson Shaki heldur ikki. Tær fýra hava givið avboð, og tí hevur landsliðsvenjarin, Pætur Smith Clementsen, sent boð eftir Jancy Mohr, Tóru Mohr og Malenu Olsen úr KÍ og Natalia Dansdóttir Olsen úr Víkingi.

Hetta er fyrstu ferð, at Natalia Dansdóttir Olsen er tikin út til landsliðið.

Undan dystinum ímóti Georgia, sum verður spældur fríggjadagin 5. juni, eru Føroyar nummar tvey í bólkinum við trimum stigum aftanfyri Grikkaland, sum er fremst við níggju stigum. Georgia hevur einki stig fingið enn. 

Føroyingarnir spæla fyri sigrinum og 2. plássi í bólkinum aftanfyri Grikkaland. Eydnast tað, kann tað hava við sær, at Føroyar skulu spæla røkkstøkk-dystir um pláss í HM-endaspælinum í Brasil næsta summar. Hetta er treytað av, at úrslitini í hinum bólkunum laga seg til fyrimuns fyri Føroyar.

LES EISINI: Fótbóltskvinnurnar spæla fyri røkkstøkk-dystum

Landsliðshópurin:

Málverjar
Gunnvá Lützen, HB
Óluva Allansdóttir Joensen, KÍ

Verjuspælarar
Natalia Dansdóttir Olsen, Víkingur
Birita Ryan, KÍ
Durita Hummeland, KÍ
Tórunn Højgaard Joensen, KÍ
Helga Mikkelsen, NSÍ
Mona Rasmusdóttir, Víkingur

Miðvallarspælarar
Jancy Mohr, KÍ
Súsanna Laksáfoss Godtfred, HB
Eyðvør Klakstein, KÍ
Sanna Svarvadal, KÍ
Jensa Kannuberg Tórolvsdóttir, Víkingur
Rakul Sørensen, Víkingur
Anna Caroline Brændstrup, Gil Vicente (Portugal)
Malena Olsen, KÍ
Tóra Mohr, KÍ

Álopsspælarar
Brá Zakariasardóttir, HB
Sólja Ernstdóttir, KÍ
Heidi Sevdal, NSÍ