Fólkatingið velur nevndir í dag

Fólkatingið fer í dag at velja føstu nevndirnar, millum annað føroyanevndina.

Føroyanevndin verður varðveitt, nú 20 nevndir eru í fólkatinginum í staðin fyri 30, sum hava verið.

Grønlandsnevndin heldur eisini fram.

Og málsøkini hjá teimum eru tey somu sum nú. Málsøkið er danskar lógir um tey bæði londini og annars viðurskiftini millum Danmark og Føroyar og Danmark og Grønland.

Fólkatingslimir hava gramt seg um, at ofta er meira enn ein nevndarfundur í senn, tí nevndirnar eru so nógvar.

Og tey, sum eru í fleiri enn einari nevnd, fáa bara verið á einum fundi í senn.

Og tinglimir fáa betri stundir til hvørt mál, verður sagt.

Fólkatingið er samt um at broyta bygnaðin, sum kom í gildi 10. apríl.