Messi upp á máltindin

Lionel Messi skrivaði enn ein kapittul í síni persónligu HM-søgu, tá hann skoraði bæði málini hjá Argentina ímóti Eysturríki í Arlington í Texas.

Við málunum, sum komu seint í fyrra hálvleiki og beint fyri leiklok, kom argentinski gandakallurin upp á 18 HM-mál og tók samstundis metið sum mest skorandi spælarin í HM-søguni frá Miroslav Klose úr Týsklandi, sum hevur skotið 16.

Málini tryggjaðu Argentina 2-0 sigurin og pláss í sekstandapartsfinalunum.

Fyrr í dystinum gjørdist Lionel Messi eisini hann, sum hevur skotið og misnýtt mest brotsspørk í heimsmeistarakappingum. Longu í níggjunda minutti mskeyt hann sítt sjeynda HM-brotsspark og misnýtti fyri triðju ferð.

Lionel Messi hevur skotið fimm mál í tveimum dystum higartil í hesi heimsmeistarakappingini.