Dalstunnilin góðkendur til almenna ferðslu

Nýggi Dalstunnilin er nú góðkendur til almenna ferðslu

Landsverk og Arbeiðs- og brunaeftirlitið hava gjøgnumgingið projektið, tilbúgvingina og trygdarútgerðina í tunlinum, men áðrennhann kundi endaliga góðkennast til almenna ferðslu, skuldi trygdarútgerðin í tunlinum roynast í einari venjing.

Venjingin var fríggjadagin 10. juli.

Umleið 40 fólk frá Politinum, Húsavíkar og Sands Sløkkiliði, Heilsuverkinum, Ambulansutænastuni og Landsverki vóru við í venjingini, sum royndi tilbúgvingarætlanina, tøknina, mannagongdir og eftirkannaði samskiftisútgerðina í tunlinum.

Allir partar høvdu egnar eygleiðarar við, sum aftaná skrivaðu hvør sína frágreiðing um venjingina.

Venjing í Dalstunlinum

Politiið, sum er leiðandi samskipari í tilbúgvingini, hevur tikið saman um niðurstøðurnar, og hevur góðkent tilbúgvingina í Dalstunlinum.

Landsverk hevur gjøgnumgingið niðurstøðurnar frá venjingini, og hevur í dag staðfest, at Dalstunnilin lýkur øll myndugleikakrøv, og tískil kann lata upp fyri almennari ferðslu sum ætlað leygardagin 18. juli.

Arbeiðs- og brunaeftirlitið hevur eisini brunagóðkent Dalstunniln til almenna ferðslu.