Skógareldur sunnan fyri París

Ein skógareldur er kyknaður sunnan fyri París.

Myndugleikarnir siga, at eldurin er ógvusligar og umfatandi, skriva Le Monde og tíðindastovan AFP.

Triðja hitabylgjan í fáar mánaðir hevur rakt Frakland, og vøksturin er serstakliga turrur um alt landið. 

Norðanfyri er samstundis rættiliga fitt av vindi, og tað merkir, at vandin fyri, at skógareldar breiða seg, er stórur - millum annað í skógunum nærhendis franska høvuðsstaðnum.

Vóna regn

Tað verður eisini turt næstu dagarnar, men seinni í vikuni vóna tey, at tað fer at regna.

Skógareldurin sunnan fyri París hevur órógvað ferðsluna, og hann breiðir seg framvegis. Eldsløkkingarflogfør royna at forða fyri, at eldurin ikki breiðir seg, og fólk eru flutt úr sínum heimum í onkrari bygd.

Ein annar náttúrueldur í Suðurspania, sum hevur kostað tólv fólkum lívið, breiðir seg ikki meira, siga myndugleikarnir.