Ester Kristiansen velur Sangir úr sínum lívi

Síðani 2014 hevur Ester Kristiansen javnan latið úr hondum nýggjar sangir, teirra millum Enn hann eg kenni, Fívil og Aftur til mín, men hon hevur eisini roynt seg í øðrum høpi, eitt nú hevur hon verið við í Nósa Barna Prix’num og sangleikinum Audition, eins og hon hevur verið í uppskoti til at gerast Ársins nýggja navn í FMA høpi.

Í sendingini, ið verður send í útvarpinum hósdagin kl. 17:05, fer Ester at velja nakrar sangir, ið hava havt ein serligan týdning fyri hana, samstundis sum hon eisini fer at siga frá øðrum tættum í sínum lívi.

Sangirnir, ið Ester Kristiansen hevur valt, eru Barndommens gade við Anne Linnet, Grace Kelly við Mika, Starkare við Miss Li, Mama við Spice Girls, Solo við Simon Kvamm og Ålborg Symfoniorkestur, The Adults Are Talking við The Strokes, og Sólarskipanin við Ævintýraferðini.

Sangir úr mínum lívi, í útvarpinum í dag klokkan 17:05.