Fyrstu umvælingarnar á Hamragarði eftir 14 ár

Fjórtan ár eftir, at fyrstu búfólkini fluttu inn á ellis- og røktarheimið Hamragarð í Vági, verður bygningurin loksins umvældur.

Longu tá heimið varð tikið í nýtslu, varð gjørt vart við fleiri álvarsligar manglar. Men arbeiðið dró út í fleiri ár, tí ósemja var millum landið og kommunurnar um, hvør skuldi rinda fyri umvælingarnar.

Ikki fyrr enn vindeygu fóru at detta úr bygninginum, og skaðarnir gjørdust sjónligir, varð semja gjørd um fíggingina. Endaliga avtalan varð, at landið rindar 75 prosent av kostnaðinum, meðan kommunurnar rinda 25 prosent.

Umvælingararbeiðið byrjaði í februar og er mett at kosta umleið 14 milliónir krónur. Eftir ætlan verður arbeiðið liðugt í oktober.

Bjarni Johansen, borgarstjóri í Vági og næstformaður í stýrinum fyri Bú- og heimatænastuna í Suðuroy, sigur, at standurin á Hamragarði var ringur, tá arbeiðið fór í gongd.

Hoyr innslag í tíðindindunum á nátturða her: