- Tíðindi, mentan og ítróttur
Ongin illgruni um brotsgerð
Ongin illgruni um brotsgerð
- Einki illgrunasamt ella revsivert er farið fram í sambandi við, at ein ungur maður varð funnin deyður uttan fyri eini sethús í Fuglafirði í síðstu viku, hevur Kári Jacobsen, leiðari á kanningardeildini hjá politinum, boðað frá.
Mynd: Savnsmynd
16.08.2026 - 23:59
Løgreglan hevur ongin illgruna um, at nøkur brotsgerð kann vera orsøk til, at ein 24 ára gamal maður týsdagin í síðstu viku varð funnin deyður uttan fyri eini sethús í Fuglafirði.
- Einki illgrunasamt ella revsivert er farið fram. Kanningararbeiðið er nú liðugt, segði Kári Jacobsen, leiðari á kanningardeildini hjá politinum, í stuttari, skrivligari viðmerking leygarmorgunin.
Løgreglan hevði ikki fleiri viðmerkingar til málið.
Fríggjadagin segði Michael Boolsen, fúti, at politiið í Føroyum hevði fingið hjálp frá politinum í Danmark í arbeiðnum at greina, júst hvat var farið fram í samband við tilburðin. Tá vóru kanningarnar ikki lidnar.
Er kopiera
Nýggjastu sendingar í ÚV
Nýggjastu sendingar í SV
