Ferðastuðul og kt-skipan til viðgerðar

Fíggjarnevndin fer fyrrapartin at viðgera uppskotini hjá Sjálvstýri og Tjóðveldi um at hækka ferðastuðulin í ár og uppskotið hjá landsstýrinum um at lata fleiri pengar til at menna nýggja kt-skipan til barsilsskipanina.

Landsstýrismaðurin í fíggjarmálum, landsstýriskvinnan í almanna- og bústaðarmálum og TAKS eru innkallað.

Sjálvstýri og Tjóðveldi vilja hækka ferðastuðulin, so hann gevur 1100 krónur meira í ár. 

Tað fer at kosta landskassanum fimm milliónir, siga flokkarnir.

Almanna- og Bústaðamálaráðið biður løgtingið um 2,5 mió. kr. aftrat til at menna kt-skipanina hjá barsilsskipanini.

Higartil eru játtaðar 11 milliónir.

Og 1. januar 2027, tá verklagslógin frá 2024 skal fara úr gildi, skal broytast til 1. januar 2028. 

Á tann hátt fer at bera til hjá TAKS at arbeiða víðari við at menna kt-skipanina uttan steðg.  

Tað er týdningarmikið, at arbeiðið heldur fram uttan steðg, tí annars kostar arbeiðið meira, sigur Almanna- og Bústaðamálaráðið.