Einki lyfti um sjálvstøðugan limaskap í Norðurlandaráðnum

Løgmaður fekk einki lyfti um fullan limaskap í Norðurlandaráðnum á felags summarfundi í Keypmannahavn í gjár.

- Men føroyska luttøkan í norðurlendska samstarvinum er nú á einum vegamóti, sigur Beinir Johannesen, og sipar til komandi ársfund hjá Norðurlandaráðnum, sum verður í Helsinki síðst í oktober.

Í vár settu norðurlendsku samstarvsráðharrarnir eina nevnd at endurskoða Helsingfors-sáttmálan við tí endamáli at gera tað møguligt at javnseta Føroyar, Grønland og Áland við hini londini í Norðurlandaráðnum og í Norðurlendska Ráðharraráðnum. 

Grønlendski formaðurin fyri Naalakkersuisut, Jens-Frederik Nielsen, segði við Ritzau eftir fundin í Keypamannahavn í gjár, at Grønland og Føroyar eru at rokna sum eitt B-lið í norðurlendska samstarvinum. 

Og Grønland hevur fleiri ferðir hótt við at rýma úr norðurlendska samstarvinum, fær landið ikki fullan limaskap.

Hoyr innslag í útvarpstíðindunum: