Mentamálaráðið fær alla ábyrgd av at byggja kampus

Í Mentamálaráðnum verður arbeitt við at byggja upp førleika at hava alla ábyrgd av at byggja høvuðsbygningin í kampusverkætlanini á Frælsinum í Havn.

Málið er at halda fýra ára tíðarætlaninna hjá niðurløgdu byggiumsitingini hjá Landsverki, sigur Bárður á Lakjuni, landsstýrismaður í mentamálum.

Síðst í juni boðaði Jacob Vestergaard, landsstýrismaður í vinnumálum, frá, at byggiumsitingin hjá Landsverki skuldi niðurleggjast, og at verkætlanirnar skuldu flytast í aðalráðini.

Bárður á Lakjuni

Greiðari ábyrgdarbýti

Endamálið var at fáa greiðari ábyrgdarbýti, har landsstýrisfólkið stendur fyri byggingini og eftirlitinum, og eisini hevur figgjarliga og fakliga ábyrgd. 

Seint í nítiárunum var sama arbeiðsøkið annars flutt úr aðalráðunum og miðsavnað í Landsverki.

1. januar yvirtekur Mentamálaráðið formliga kampusverkætlanina.

J&K Petersen hevði lægsta tilboðið at byggja høvuðsbygningin, og tað er 349 mió. kr.

Hoyr innslag í útvarpstíðindunum: