Ógegni í rættinum

Ógegni ger, at eitt revsimál í Føroya rætti skal viðgerast eina ferð enn.

Ein maður er ákærdur fyri at hava samlegu við gentu, sum var yngri enn 15 ár.

Føroya rættur viðgjørdi málið hósdagin og fyrrapartin í gjár.

Men tá viðgerðin var liðug, boðaði dómarin frá, at viðgerðin kundi ikki brúkast, tí annar dómsmaðurin var ógegnigur.

Hann var við, tá eitt mál um somu gentu var í rættinum.

Ákærdi maðurin noktar seg sekan.

Ákæruvaldið krevur viðgerðardóm.

Nær málið verður viðgjørt av nýggjum er ikki ásett enn.