Frítekst tagging:
- Tíðindi, mentan og ítróttur
B71 aftur Í bestu deildini eftir 15 ára útlegd
B71 aftur Í bestu deildini eftir 15 ára útlegd
Við 5-3 sigri á B36 tryggjaði B71 sær uppflyting til bestu deildina í mansfótbólti, har sandingar skulu spæla fyri fyrstu ferð síðan 2011
Ovurfegnir sandingar eftir at plássið í Meistaradeildini varð tryggjað í dag
Mynd: Finnur Justinussen/Leit
29.08.2026 - 14:41
B71 skal spæla í bestu mansdeildini í fótbólti eftir 15 ára útlegd.
Fegnu sandingarnir tryggjaðu sær uppflytingina við 5-3 sigri á næstbesta liðnum hjá B36 Inni í Dal í dag.
Tey trý stigini merkja, at B71, sum er fremst í átta stig frammafyri Víking og níggju frammanfyri FC Suðuroy, ikki longur kann enda niðanfyri 3. plássið í 1. deild.
B71 var á odda við tveimum málum í steðginum, áðrenn útiliðið minkaði um munin. Heimaliðið svaraði aftur við trimum málum á rað - suvereni toppskjúttin í deildini Lucas Ørneborg fekk tvey teirra - áðrenn B36 fekk tvey mál ímóti endanum.
Seks umfør eru eftir at spæla, men fyri sandingar, sum ikki hava tapt síðan í mars, kann hátíðarhaldið so smátt byrja.
Obligatoriska liðmyndin varð eisini tikin eftir uppflytingarsigurin á B36. (Mynd: Finnur Justinussen/Leir)
Er kopiera
Nýggjastu sendingar í ÚV
Nýggjastu sendingar í SV
