KÍ hongur í oddaliðnum

KÍ gjørdi nóg mikið til at hanga í NSÍ við Djúpumýru í gjárkvøldið.

Við einum málið miðskeiðis í fyrra hálvleiki og tveimum afturat eftir steðgin vunnu klaksvíkingar á EB/Streymi og eru aftur trý stig aftanfyri oddaliðið.

Daniel Johansen legði KÍ framum, tá 19 minuttir vóru spældir, men mátti síðan bíða til góðar 20 minuttir fyri leiklok eftir endaligu avgerðini. 

Hon kom frá innskifta Páll Klettskarð, áðrenn Árni Frederiksberg økti til 3-0 við brotssparki fimm minuttir fyri leiklok.

EB/Streymur lá onkuntíð framvið, men Hans Pauli á Bø og Gutti Dahl-Olsen tóku ikki av, tá teir fingu kjansin. 

KÍ savnar seg nú um steypafinaluna ímóti Víkingi leygardagin.