Enn hava kasakar góða tíð

Enn hava kasakar góða tíð
Landsliðið hjá Kasakstan skuldi lenda í Føroyum í kvøld klokkan 18, men tað er fyribils útsett til klokkan 8.15 í morgin
Mynd: Jóannes Bjartalíð í venjingardysti móti Kasakstan í fjør
Mynd: Hans Erik Danielsen/FSF  
 
24.09.2026 - 14:26

Leygardagin klokkan 17 skulu Føroyar eftir ætlan spæla móti Kasakstan á Tórsvølli. Hetta er fyrsti dysturin í nýggju Nations League-kappingini. Landsliðið hjá Kasakstan skuldi lenda í Føroyum í kvøld klokkan 18, men tað er fyribils útsett til í morgin árini.

Landsliðið hjá Kasakstan hevur fyrireikað seg til at koma til landið í góðari tíð. Tað gevur teimum nakað av tíð at lenda, uttan at dysturin er í vanda fyri at blíva útsettur. Fótbóltssambandið viðmælir útiliðum, at flúgva við Atlantic Airways, men tað hevur Kasakstan ikki gjørt og flúgva við Scat Air.

- Lendir flogfarið í morgin ella enntá á dystardegnum, so vænta vit at dysturin verður avgreiddur eftir ætlan. Teir hava fyrireikað seg væl og ætlaðu at lenda tveir dagar fyri dyst, sigur Kristin Dam Ziska, aðalskrivari í Fótbóltssambandinum.

LES EISINI: Veðrið órógvar aftur altjóða fótbólt í Føroyum

Hann vísur eisini á, at tað er meira avbjóðandi at flyta ein landsdyst enn ein vanligan dyst í heimligu kappingini. Allir landsdystir skulu avgreiðast í áløgdu landsliðsvindeygunum. Tað eru fýra dystir upp á ellivu dagar, so tað er ikki rúm fyri at flyta dystin uttan at tað ávirkar hinar dystirnar.

 Sjónvarpið vísur dystin og byrjar at senda leygardagin klokkan 16.

Er kopiera
Nýggjastu sendingar í ÚV
Nýggjastu sendingar í SV
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486