Hava stovnað týsklærarafelag

Eitt týsklærarafelag var stovnað mánadagin.

Tað er undirfelag hjá Lærarafelagnum.

Endamálið hjá felagnum er at virka fyri áhugamálunum hjá lærarum í týskum, at virka fyri stuðli og samstarvi millum limirnar og at kunna um týdningin, týskt hevur.

Felagið skal fáa samstarv við týsklærarar tvørtur um skúlamørk og landamørk umframt at ráðgeva Lærarafelagnum í málum um undirvísing í týskum.

Í fyrstu nevndini eru Andrias Højgaard, formaður, Súsanna Gunna Thomsen, skrivari, Anna Petra Petersen, kassameistari, og Annika Sveinsdóttir Thomassen er tiltakslimur.